KET është provimi i parë, për nga shkalla e vështirësisë, për studentë të rritur. Është më pak sfiduesi nga katër testet e tjerë: PET, FCE, CAE dhe CPE. Key English Test, KET, ndahet në tre seksione ku testohen njohuritë bazë të gjuhës angleze në të katër aftësitë: Të Lexuarit & Të Shkruarit, Të Dëgjuarit dhe të Folurit. Të katërta këto aftësi kanë peshë të barabartë në rezultatin e provimit, 25% secila. Shihni tabelën për më tepër detaje:
| Seksionet | Përmbajtja | Vlerësimi | Qëllimi |
|---|---|---|---|
| Reading and Writing (Të Lexuarit & Të Shkruarit)(70 minuta) |
9 pjesë/ 56 pyetje |
50% | Tregon se ju mund të kuptoni informacione të shkurtra dhe të thjeshta si tabela, shenja, broshura, revista e gazeta. |
| Listening (Të Dëgjuarit) (30 minuta, duke përfshirë edhe kohën e transferimit të përgjigjeve) |
5 pjesë/ 25 pyetje |
25% | Pritet që të jeni në gjendje të kuptoni njoftime dhe të tjera materiale të folura kur njerëzit janë duke folur me një ritëm të ngadaltë. |
| Speaking (Të Folurit) (8–10 minuta për çdo dy kandidatë) |
2 pjesë | 25% | Tregon se ju mund të merrni pjesë në një bisedë duke bërë pyetje të thjeshta e duke ju përgjigjur atyre. Testi i të folurit zakonisht zhvillohet me një ose dy kandidatë të tjerë dhe me dy ekzaminues. Ky format e bën rezultatin tuaj më real dhe më të besueshëm. |
Pas 4-6 javësh studentët marrin një Raport Rezultatesh ku njihen me rezultatin e përgjithshëm të testit si dhe me pikët e arritura në secilin seksion të KET. Duke qenë se ky testim synon kryesisht nivelin A2, kandidatët e suksesshëm pajisen edhe me një certifikatë ku specifikohet edhe vlerësimi:
Pass with distinction (B1),
Pass with Merit (A2),
Pass (A2).
Kandidatët që arrijnë rezultate kaluese minimale do të pajisen gjithashtu me një certifikatë ku specifikohet vetëm niveli: Level A1.
Kandidatët që nuk arrijnë ta kalojnë kufirin minimal të pikëve nuk marrin një përcaktim niveli CEFR, duke u konsideruar kështu të ngelur.
Të gjitha certifikatat e provimeve të Universitetit të Cambridge-it janë të përjetshme.
