Home
5 Arsye Për Të Studjuar në Gjermani

5 Arsye Për Të Studjuar në Gjermani

Gjermania është vendi i tretë më i zgjedhur për të studjuar nga studentë ndërkombëtarë. Më shumë se 12% e studentëve në universitetet gjermane janë të huaj. Gjermania është vend tërheqës për të studjuar dhe diplomat gjermane janë tepër të vlerësuara nga punëdhënësit në mbarë botën. Më poshtë do të gjeni pesë arsye më tepër për ta konsideruar Gjermaninë si destinacionin tuaj për studime.

Super Cilësi
Universitetet gjermane ofrojnë mësimdhënie dhe punë kërkimore të shkëlqyer, duke u renditur ndër më të mirët në botë. Kështu ju do të bëheni me një diplomë ndërkombëtarisht të lakmuar që ju krijon mundësi të shkëlqyera punësimi në tregun global të punës.

Të Orientuar Drejt Praktikës 
Universitetet gjermane kanë programe akademike të jashtëzakonshme dhe universitetet e shkencave të aplikuara ofrojnë një gamë të gjerë kursesh të orientuar drejt praktikës. Shumë programe studimi e kombinojnë teorinë me praktikën dhe ky fakt do ua lehtësojë shumë nisjen e sukseshme të karrierës.

Arritje Potencialesh
Në Gjermani mund të arrini maksimumin tuaj. Në atë vend mund të zhvilloni në nivelet më të larta aftësitë tuaja intelektuale dhe personale dhe të arrini potencialet tuaja të plota. Nëse jeni aty për të arritur gjëra të mëdha, do të zbuloni se me vendosshmërinë, motivimin dhe përkushtimin do të hapen shumë dyer – si përgjatë studimeve dhe pas tyre.

Vend i Sigurtë 
Në krahësim me vende të tjera, Gjermania është një vend goxha i sigurtë. Në qyetet apo rrethina, ditën edhe natën, ju mund të lëvizni lirshëm kudo. Shteti gjerman ofron stabilitet ekonomik dhe politik, gjë që e bën një vend ideal dhe të qetë për të studjuar.

Diversitet
Zbuloni bukurinë dhe diversitetin që ju ofron Gjermania! Kur të keni ditë pushimi dhe bileta për në Rinas ju kushton shumë, provoni të zbuloni vendin mikpritës gjatë shkollimit tuaj. Kështjellat si ato të filmave, festimet tradicionale, natyra e virgjër janë vetëm disa opsione për t’u konsideruar. Po ka një numër të madh muzesh, kinemash, teatrosh për t’u parë gjithashtu.

Shumë diell në këtë vend mos prisni që të gjeni, por për formësimin që i jep Gjermania karrierës dhe personalitetit tuaj, ia vlen qielli gri, shiu i imët dhe temperaturat e ulëta.

Unë jam mësuese anglishteje prej vitit 2007 dhe drejtuese e qendrës së kurseve Smart Center prej po kaq kohësh. Gjatë këtyre viteve jam aftësuar në mësimdhënien e të gjitha grupmoshave dhe niveleve dhe jam veçanërisht e apasionuar për të mësuar studentët fillestarë të flasin anglisht në një kohë shumë të shkurtër.

Leave a Comment

*

*